Profesori i Fakultetit të Sigurisë dhe Mbrojtjes, Refki Morina, ka vlerësuar se angazhimi i mundshëm i Forcës së Sigurisë së Kosovës (FSK) në Gaza duhet parë si një mision me karakter humanitar dhe mbështetës, e jo si operacion luftarak.

Sipas tij, roli i FSK-së në një zonë krize si Gaza do të fokusohej në ndihmën për popullsinë civile dhe në përballimin e emergjencave humanitare.

Në aspektin profesional, ai thekson se misioni do të shërbente si një test real i kapaciteteve të FSK-së në kushte të vështira, duke ndikuar në rritjen e disiplinës, koordinimit dhe standardeve, si dhe në bashkëpunimin

Postimi i tij i plotë:

Misioni i Forca e Sigurisë së Kosovës në Gaza  duhet parë më shumë si operacion mbështetës dhe jo luftarak.

Detyrat e saj janë :

– Ndihmë humanitare për popullsinë civile (ushqim, ujë, strehim);

– Mbështetje në kërkim-shpëtim dhe reagim emergjent;

– Ndihmë mjekësore bazike dhe evakuim të të plagosurve;

– Pastrim i zonave nga rreziqe si mjete të pashpërthyera;

– Mbështetje logjistike për organizatat ndërkombëtare;

Qëllimet e saj janë:

– Kontribut në stabilitet dhe lehtësim të krizës humanitare;

– Rritja e rolit ndërkombëtar të Kosovës;

-Forcimi i partneritetit me aleatët (sidomos në kuadër të NATO dhe misioneve shumëkombëshe);

– Ndërtimi i imazhit të Kosovës si kontribuese në paqe;

Rezultatet e pritshme te FSK – es janë:

– Përmirësim i kushteve për civilët në terren,

– Rritje e besueshmërisë së FSK-së ndërkombëtarisht;

– Përvojë konkrete operacionale jashtë vendit;

– Hapje e rrugës për misione të tjera ndërkombëtare;

Profesionalizmi & përvoja;

– Testim real i kapaciteteve të FSK-së në kushte të vështira;

– Rritje e disiplinës, koordinimit dhe standardeve;

– Bashkëpunim me forca dhe organizata ndërkombëtare;

-‘Transferim i njohurive moderne në Kosovë;

Çka pritet pas kësaj :

– Mundësi për zgjerim të pjesëmarrjes në misione ndërkombëtare

-“Rritje graduale drejt standardeve të plota të NATO-s

-‘Investime në trajnime dhe pajisje më moderne

Konsolidim i rolit të FSK-së si forcë me mandat edhe ndërkombëtar

Në thelb, një mision i tillë nuk ka karakter luftarak, por është një hap strategjik për pozicionimin e Kosovës në skenën ndërkombëtare dhe për zhvillimin profesional të FSK-së.