Gazeta10

Mungon deputeti Dimal Basha, shtyhet gjykimi në rastin ku një mërgimtar akuzohet se e kanosi atë

Për shkak të mungesës së deputetit të Lëvizjes Vetëvendosje, Dimal Basha, është shtyrë seanca e paraparë për të mërkurën në Gjykatën Themelore në Prishtinë, në rastin ku mërgimtari Bajram Isufi akuzohet se e kanosi atë (deputetin).

Gjykatësi Dibran Isufi nuk përmendi arsyen e mungesës së deputetit, mirëpo ritheksoi se është arritur marrëveshja për pranimin e fajësisë mes Prokurorisë dhe të akuzuarit Isufi, ashtu siç ishte përmendur në seancën e kaluar.

Edhe në seancën e mbajtur më 18 mars 2024, gjykimi ishte shtyrë për shkak të mungesës së të akuzuarit Isufi dhe deputetit Basha, raporton “Betimi per Drejtësi”.

Sipas aktakuzës së përpiluar më 23 shkurt 2024, thuhet se i akuzuari Bajram Isufi me banim në Gjermani, përmes rrjetit social “Facebook” me qëllim të frikësimit e ka kanosur seriozisht deputetin Dimal Basha në lidhje me punën dhe pozitën e tij, duke i shkruar mesazh në Facebook me fjalët “te kqyrum kujna po i shkon e kujt jo o p** n*! Plumba për tradhëtar të kombit ka me pas gjithë dhe ko me pas! Perhajr ju koft tash edhe rune prapani dhe familjen se tash e tutje s’dihet se ku ka me ju kersit!”.

Po ashtu, thuhet se i ka shkruar edhe mesazh tjetër me fjalët: “mos ha fort se bonbën në gojë ta shtijn gjinja, i vonshëm je ti”. Këto mesazhe, sipas Prokurorisë i kanë shkaktuar frikë dhe ankth deputetit Basha.

Andaj, me këto veprime Isufi po ngarkohet me veprën penale “Kanosja” nga neni 181, paragrafi 3 lidhur me paragrafin 1 të Kodit Penal të Republikës së Kosovës.

NË FOKUS

askk
Ky është numri i banorëve për secilën komunë të Kosovës
riu
Në lulen e rinisë/ I riu 24 vjeç u vra pas debatit për muzikën e lartë
vdess
Vdes aktori i njohur në moshën 46 vjeçare, dyshohet se shkaktar ishte nxehtësia
drita
Vdes aktorja e humorit Drita Duraku
faton
“Më është bërë zullum”- Faton Hajrizi shfaqet me një video, tregon arsyen e arratisjes nga burgu i Smrekonicës
faton
Faton Hajrizi lajmërohet sërish nga arratia, Sveçlës ia shan mbiemrin dhe i vë bast: Kurrë nuk mundesh me më kapë
ylli
Zbulohet vajza misterioze në krah të Ylli Limanit
vd
Vdes e reja nga Prishtina, vuante nga një sëmundje e rëndë