Anëtari i kryesisë së PDK-së, Arben Mustafa i është kundërpërgjigjur shpifjeve të deputetit të VV-së, Dimal Basha, pasi ky i fundit ka deklaruar se Komercijalna Banka është licencuar në vitin 2018, kur Bedri Hamza ka qenë Guvernator i BQK-së.

Mustafa, ka njoftuar në Facebook se Komercijalna Banka është licencuar në vitin 2007, kur BQK drejtohej nga UNMIK-u, dhe se në vitin 2018, Bedri Hamza nuk ka qenë Guvernator i BQK-së.

“Në kushtet e panikut të madh që i ka kapluar, deputetët e Vetëvendosjes po bëjnë trillime të ndryshme në përpjekje për të krijuar mjegull në publik”, ka shkruar Mustafa.