Në një intervistë për Kanal10, Banka Qendrore e Kosovës ka folur rreth remitancave gjatë këtij viti, raporton Gazeta10.
Nga BQK kanë treguar për vlerat e remitancave gjatë këtij viti, për rritjen apo uljen e tyre, për trendin përpara si dhe për situatën e përgjithshme ekonomike në vend.
Këtu keni intervistën e plotë:
Sa është vlera e remitencave gjate këtij viti?
Për periudhën janar-qershor 2022, vlera e remitencave të dërguara nga mërgimtarët ka arritur në shumën prej 548.7 milionë euro.
Në krahasim me vitin e kaluar, a ka pasur rritje apo ulje të remitencave?
Në periudhën e njëjtë të një vitit më parë, vlera e remitencave ishte 554.4 milionë euro apo 5.7 milionë euro më shumë së periudha e njëjtë e këtij viti.
Për shkak te krizës globale, sa janë gjasat te ulen remitencat gjate viteve ne vijim?
Ecuria e rritjes së remitancave këtë vit pritet të jetë më e ngadalshme krahasuar me vitin e kaluar, kur ishte shënuar rritje prej 17.7%.
Viteve te fundit, a ka pësuar Kosova rritje apo ulje ekonomike dhe cilët faktore po ndikojne qe vendi ta kete (ate) gjendje ekonomike?
Sipas vlerësimeve preliminare të ASK-së, ekonomia e Kosovës ka shënuar rritje të konsiderueshme prej 10.5 përqind në vitin 2021 (-5.3 përqind në vitin 2020). Rritja e lartë e aktivitetit ekonomik iu atribuua rritjes së të hyrave nga diaspora, me përmirësimin e dinamikave pandemike dhe lehtësimit të masave kufizuese si rrjedhojë, si dhe politikave stimuluese fiskale e financiare. Të hyrat nga diaspora (remitencat, shpenzimet e udhëtimit dhe investimet në patundshmëri) rezultojnë të kenë pasur një pjesëmarrje të lartë në gjithsej BPV-në e gjeneruar në vend prej rreth 39 përqind në vitin 2021. ASK sugjeron se gjatë TM1 2022 është shënuar rritje e aktivitetit ekonomik prej 4.9 pёrqind. Konsumi dhe investimet kontribuuan pozitivisht me 9.6 pёrkatёsisht 1.4 pikё pёrqindje, ndërsa eksportet neto kishin një kontribut negativ prej 6.2 pikё përqindje Rritja mё e lartё e BPV-sё reale nё TM1 2022, sipas ASK-së, ёshtё shënuar nё sektorin e aktiviteteve financiare dhe të sigurimit (8.8 pёrqind), tregtisё (8.6 pёrqind), industrisë përpunuese (5.4 përqind), etj. Aktiviteti i shtuar ekonomik në këtë tremujor rezulton të jetë mbështetur në masë të madhe nga kreditimi i sektorit bankar. Sa i përket vitit 2022, projeksionet e BQK-sё sugjerojnë se aktiviteti ekonomik do të shënojë rritje më të ngadalësuar prej rreth 3.0 pёrqind. Ngadalësimi i rritjes së aktivitetit ekonomik pritet të jetë kryesisht pasojë e rritjes më të ulët të kërkesës së brendshme. Lufta në Ukrainë ka ndikuar nё rritjen e rreziqeve për perspektivën ekonomike dhe ndikimi i kёsaj krize pritet tё reflektohet nё rritje të mëtejme potenciale të çmimeve të energjisë, naftës dhe ushqimit, me efekte negative në besueshmërinë e konsumatorëve dhe fuqinë blerëse. Nën supozimin se kriza gjeopolitike nuk përmbyllet shpejtë dhe materializohen skenarët më të rënduar ku shkalla e inflacionit rritet tutje në vlera më të larta, perspektiva ekonomike për Kosovën do të jetë më pesimiste se pritjet fillestare.
Departamenti për Marrëdhënie me Jashtë Banka Qendrore e Republikës së Kosovës. / Gazeta10
