Policia e Kosovës ka njoftuar se ka mbyllur për qarkullim pikat kufitare Bërnjak dhe Jarinje, raporton Gazeta10.

Kjo ka ardhur pasi serbët në veri kanë bllokuar rrugët në drejtim të këtyrë pikave kufitare.

Policia e Kosovës ka kërkuar nga qytetarët që të shfrytëzojnë pika të tjera të kalimit kufitar.

Këtu keni të plotë informacionin nga Policia e Kosovës:

“Informacion zyrtar

31 korrik 2022,

Policia e Kosovës ka mbyllur kufirin për qarkullim udhëtar dhe për automjete në pikë kalimet kufitare Bernjak dhe Jarinje, për shkak të bllokimit të rrugëve  në drejtim të këtyre pikë kalimeve kufitare Jarinje dhe Bernjak.

Njoftohen të gjithë qytetarët të shfrytëzojnë pikat tjera kufitare për qarkullim”. 

Kjo situatë është krijuar pasi Kosova ka vendosur për vendosje të reciprocitetit me Serbinë për targa dhe dokumente, specifikisht letërnjoftima.  / Gazeta10.