Drejtori i Informacionit në Kanal10, Xhemajl Rexha, ka thënë se Kosova qëndron më së miri në rajon sa i përket lirisë së medias, përkundër përpjekjeve të vazhdueshme prej secilit pushtet për t’i kontrolluar mediet. 

“Kosova ka pluralizëm medial. Në Kosovë nuk ka temë që nuk mund të trajtohet, nëse një temë nuk trajtohet nga një medie, ajo patjetër që do të trajtohet nga një medie tjetër, dhe kjo natyrisht është mundësi tejet e mirë edhe për gazetarët e rinj që kanë alternativa”, ka thënë Rexha, transmeton Gazeta10. 

Sipas tij, pluralizmi medialë është tejet pozitiv për gazetarët e rinj, sepse ju mundëson të ndërrojnë vendet e punës nëse ka nevojë, si dhe të kenë përvoja të ndryshme në rrugëtimin e tyre të karrierës./Gazeta10