Emisioni “Kampionët” vazhdon edhe këtë të diel me një super panel.

Studios së emisionit “Kampionët” i rikthehet analisti i përhershëm, Bekim Isufi, të cili i bashkohen edhe Valon Osmani, Arbër Prekazi, Mevlan Zeka, Taulant Dajaku dhe Samir Sahiti.

Për herë të parë në këtë vit, presidenti i klubit të Lirisë, Valon Osmani foli edhe për ndryshimet në stinorin pranveror.

“Kemi ndryshuar dy herë trajnerin këtë sezon, kemi nënshkruar tash me Ali Gunes, me të cilin kemi pasur negociata për më shumë se dy muaj. Gunes është ekspert për t’i shpëtuar ekipet nga rënia, siç ka bërë me një klub tjetër” – tha ai.

Tutje, Osmani foli edhe për lojtarët e rinj.

“Kemi nënshkruar me tetë lojtarë të rinj, dhe kemi larguar disa që nuk kemi arritur të gjejmë bashkëpunim për pjesën e mbetur të sezonit” – përfundoi ai.