Bashkatdhetarët po përballen me pritje dhe kolona të gjata në dalje në dy pikat kufitare, Dheu i Bardhë dhe Merdar.

Sipas Qendrës për Menaxhim Kufitar, te Dheu i Bardhë pritjet për të dalë nga Kosova janë deri në 40 minuta, kurse kolona e automjeteve është 200-250 metra.

Ndërsa, pritjet më të gjata janë në Merdar, ku për të dalë nga Kosova nga kjo pikë kufitare, bashkatdhetarët po presin mbi një orë, kurse kolona e automjeteve është 800-900 metra.

Në pikat tjera nuk raportohet për pritje e as kolona.