Në mbledhjen e sotme të saj, Qeveria e Kosovës ka emëruar bordin e ri të ndërmarrjes publike “Infrastruktura e Hekurudhave të Kosovës – Infrakos” Sh.A.

Edona Nahi është emëruar kryesuese e bordit, ndërsa anëtarë do të jenë Genc Hondozi, Besarta Zuka dhe Fitim Rraci, raporton Gazeta Express.

Kryeministri Albin Kurti tha se ata “duhet t’i kryejnë detyrat dhe përgjegjësitë në pajtim me ligjin për ndërmarrjet publike”.