Ish-zëvendës ambasadori i Kosovës në Gjemani, Blerim Canaj ka vlerësuar se pas prezantimit të draft-statutit për Asociacionin nga organizata gjermane, Friedrich-Ebert-Stiftung (FES), Qeveria e Kosovës duhet të angazhojë ekspertët e saj për të analizuar dhe prezantuar idetë rreth Asocacionint.
Madje ish-diplomati në Info10 në Kanal10, tha se ky draft-statut i prezantuar sot, nuk është i domosdoshme për ta pranuar Kosova.
Sipas Canajt, brengosëse në këtë draft-statut është se mbi farë baze legjislative do të themelohet ai, sesa simbolet dhe kompetencat tjera që janë përmendur aty, shkruan Gazeta10.
“Unë brengosem më shumë se mbi cfarë baze legjislative do t’i ketë Asociacionit, sesa për simbolet që i ka. Përderisa ndërtohet një bazë ligjore që e orienton Asociacionin si të tillë në Kushtetueshmëri të Kosovës, dhe që e obligon që t’i përmbahet ligjeve të Kosovës. Qeveria duhet të mbledh ekspertet më të mirë që i ka, të mos ta neglizhojnë punën. Nuk do të thotë që tash ato pika janë vu aty, edhe ne duhet me pranu. Ajo është një bazë për fillim të bisedimeve dhe mesazh, që një Asociacionin sipas marrëveshjes, bazë e ka planin e Ahtisarit. FES-i është e afërt me qeverinë e tanishme gjermane. Mendoj, që nëse Qeveria e Kosovës ka ende raporte të mira me qeverinë gjermane, duhet të merr informacione për këtë draft. Kjo nuk është merre ose leje. Ne duhet ta analizojmë dhe i dërgon idetë e tua se si e shohim ne atë Asociacion”, tha Canaj në Info10.