Rama mban fjalën, Shqipëria deponon draft-rezolutën për Dick Martyn në Këshillin e Europës

Kuvendi i Shqipërisë zyrtarisht sot i ka nisur draft-rezolutën për Dick Martyn Këshillit të Europës, raportojnë mediat në Shqipëri, transmeton Gazeta10.

Kjo rezolutë ka qenë “Mbi pabazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri”, miratuar unanimisht në Kuvendin e Shqipërisë me 21 korrik 2022.

Kjo rezolutë i është drejtuar këtyre institucioneve:

1. Vendeve anëtare dhe atyre me statusin e vëzhguesit të Këshillit të Europës
2. Sekretares së Përgjithshme të Këshillit të Europës
3. Komitetit të Ministrave të Këshillit të Europës
4. Presidentit dhe zv.Presidentit të Asamblesë Parlamentare të Këshillit të Europës
5. Sekretare së Përgjithshme të Asamblesë Parlamentare të Këshillit të Europës
6. Komitetit për Çështje Politike dhe Demokracinë në Asamblenë Parlamentare të Këshillit të Europës
7. Komunitetit për Çështje Ligjore dhe të Drejtat e Njeriut në Asamblenë Parlamentare të Këshillit të Europës.

Kjo Rezolutë kërkon që Asambleja Parlamentare e Këshillit të Europës të bëjë një raport tjetër dhe të rishikojë Rezolutën e vitit 2011 duke rivlerësuar akuzat për trafikim të paligjshëm të organeve njerëzore në Kosovë dhe Shqipëri.

Kujtojmë se në Kuvendin e Shqipërisë me 21 korrik kur edhe është miratuar kjo rezolutë ka pasur një përplasje të madhe mes Kryeministrit të Shqipërisë Edi Rama, me Grupin Parlametar të Partisë Demokratike në Shqipëri. / Gazeta10