Real Madridi ka arritur fitore me rezultat 4-0 kundër Elches, në ndeshjen që u zhvillua në kuadër të xhiros së 21-të në La Liga.

“Los Blancos” kaluan në epërsi pas tetë minutave lojë, me Marco Asension që shënoi pas një solo-aksioni.

Karim Benzema e dyfishoi epërsinë e Realit në minutën e 31-të, me një gol të shënuar nga penaltia.

Ishte sërish Benzema, i cili në fund të pjesës së parë realizoi golin e tretë për Realin, ku përsëri u tregua i saktë nga pika e bardhë.

Reali vazhdoi me lojë ofanzive edhe në pjesën e dytë, por që arriti të realizoj vetëm një gol.

Luka Modric shënoi për madrilienët në minutën e 80-të të ndeshjes.

Me këtë fitore, Real Madridi arrin kuotën e 48 pikëve, tetë më pak se lideri, Barcelona, ndërsa me këtë disfatë Elche vazhdon të mbetet në pozitën e fundit në tabelë.