Ish-gazetarja e televizionit rus, Marina Ovsyannikova, u vendos në arrest shtëpiak për dy muaj të enjten në një çështje penale ku ajo akuzohet për përhapjen e lajmeve të rreme për forcat e armatosura të Rusisë, citoi agjencia e lajmeve Interfax të ketë thënë një gjykatë në Moskë, shkruan Reuters, transmeton Gazeta10.

Ovsyannikova tashmë është gjobitur dy herë në raste të veçanta për protestë kundër luftës në Ukrainë, duke përfshirë ndërprerjen e një buletini të drejtpërdrejtë kombëtar të lajmeve në mars, duke thirrur “Ndalo luftën!” dhe duke mbajtur lart një pankartë që u thoshte shikuesve të mos i besonin propagandës shtetërore.

Në rastin e fundit, ajo përballet me 10 vjet burg nëse shpallet fajtore për shpërndarjen e informacionit rreth ushtrisë ruse që ndryshon nga prespektiva e qeverisë.

Kjo lidhet me një protestë në korrik, kur ajo qëndroi në një argjinaturë lumi përballë Kremlinit dhe mbajti një poster që e quajti presidentin Vladimir Putin një vrasës dhe ushtarët e tij fashistë.

“Sa fëmijë të tjerë duhet të vdesin para se të ndaloni?” shkruante në poster.

Rusia miratoi një ligj të ri kundër diskreditimit të forcave të armatosura më 4 mars, tetë ditë pasi pushtoi Ukrainën në atë që ajo e quan një “operacion special ushtarak”. / Gazeta10