Rusia ka dyfishuar numrin e sulmeve ajrore ndaj pozicioneve ushtarake dhe infrastrukturës civile të Ukrainës në krahasim me javën e kaluar, tha të enjten gjenerali ukrainas Oleksiy Hromov, shkruan Reuters, transmeton Gazeta10.

Hromov tha se Ukraina do të dërgojë përforcime në Pisky, një qytet i vijës së parë në periferi të qytetit të Donetsk të kontrolluar nga separatistët është përballur me luftime intenzive ditët e fundit.

“Gjatë gjithë javës, armiku ka sulmuar vazhdimisht Pisky, duke kryer 6-7 sulme në ditë,” shtoi ai.

Separatistët e mbështetur nga Rusia pretenduan se kishin pushtuar Pisky, por zyrtarët ukrainas mohuan se qyteti ishte okupuar.

Reuters nuk ishte në gjendje të verifikonte asnjërën prespektivë.

Hromov tha gjithashtu se rreth 2,400 ushtarë ukrainas janë trajnuar tashmë në Britani, ndërsa 2,400 të tjerë janë duke u trajnuar, me plane për trajnimin e 5,000 të tjerëve.

Britania ka ofruar të trajnojë deri në 10,000 ushtarë çdo 120 ditë, dhe disa vende, përfshirë Kanadanë dhe Danimarkën, kanë thënë se do të dërgojnë instruktorë ushtarakë në Britani për të ndihmuar trajnimin e tyre. / Gazeta10