
Zëvendëskryesuesi i asambles komunale në Mitrovicën e Veriut, Skender Sadiku i ftuar në Politiko në Kanal10 deklaroi se të drejtat e komuniteteve duhet të mbrohen sipas Kushtetutes.
“Nëse nuk e mbron lirinë e tjetrit nuk e meriton as lirinë tënde. Në katër komunat në veri është duke u bërë diskriminim gjuhësor tek dokumentacioni, duhet t’i kryejmë përgjegjësitë tona. Duhet edhe t’i tregojmë komunitetit serb ti marrin të drejtat. Kushtetutën nuk e kemi shkruar ne, e ka shkruar Ahtisari, pra një i huaj dhe ne duhet ta respektojmë atë, ti respektojmë simbolet”, deklaroi ai. /Gazeta10/