Gazeta10

Shtyhet gjykimi ndaj ‘Llunes’ dhe të tjerëve, shkresat s’ishin të përkthyera në serbisht

Gjykata Themelore në Prishtinë e ka aprovuar të premten kërkesën e mbrojtësve të të akuzuarve – Dejan Pantiq, Milun Milenkoviq, Aleksander Vlajiq dhe Miomir Vakiq – për sulm terrorist që të shtyhet seanca fillestare. Arsye për këtë ishte se të akuzuarit nuk i kishin pranuar në tërësi shkresat e lëndës si dhe disa prej shkresave nuk ishin të përkthyera në gjuhën serbe.

Prokurori Special, Afrim Shefkiu, tha se është fakt se disa nga shkresat e lëndës nuk janë të përkthyera. Mirëpo, ai tha se në afat prej presë ditësh, Prokuroria mund t’i përkthejë të gjitha shkresat në gjuhën serbe.

Pantiq,  Milenkoviq, Vlajiq dhe  Vakiq kanë dalë para Gjykatës Themelore në Prishtinë si të akuzuar për sulm terrorist ndaj zyrave të Komisionit Komunal Zgjedhor (KKZ) në Mitrovicën e Veriut.

Mbrojtësi i të akuzuarit Dejan Pantiq, avokati Ljubomir Pantoviq ka thënë se nuk ekzistojnë kushte që të mbahet seanca përgatitore pasi pjesa më e madhe e shkresave nuk janë të përkthyera në gjuhën serbe.

“Konsideroj se në këto rrethana të mbahet sot seanca përgatitore në këtë rast do të jetë e shkelur e drejta e të gjithë të akuzuarve. Propozoj që seanca e sotme të shtyhet dhe Prokuroria të detyrohet që mbrojtësve dhe të akuzuarve t’ju dorëzohen shkresat e kompletuara të lëndës, të përkthyera në gjuhën të cilën e flasin të pandehurit”, ka thënë avokati.

Kryetari i trupit gjykues, gjykatësi Valon Kurtaj ka kërkuar nga mediat të kenë kujdes që mos t’iu publikohen fytyrat të akuzuarve për shkak të prezumimit të pafajësisë.

Në aktakuzën të cilën e ka siguruar “Betimi për Drejtësi” thuhet se Pantiq, Milenkoviq, Vlajiq dhe Vakiq më 6 dhjetor 2022, në ora 14:39, kishin kryer sulmin terrorist ndaj zyrave të KKZ-së, duke hedhur granata dore dhe shok bomba.

Më 13 dhjetor 2023 PSRK kishte njoftuar për ngritjen e aktakuzës për Pantiq dhe ty të tjerët.

Më 12 dhjetor 2022, Gjykata Themelore në Prishtinë caktoi një muaj paraburgim ndaj ish-policit serb, Dejan Pantiq, ndërsa më 28 dhjetor 2022, Gjykata Themelore në Prishtinë ia zëvendësoi masën e paraburgimit me arrest shtëpiak.

Pantiq ishte arrestuar më 10 dhjetor 2022 në pikëkalimin kufitar në Jarinjë, ndërsa arrestimi i tij kishte nxitur reagime nga pala serbe, e që u pasua me vendosjen e barrikadave në pika kufitare.

NË FOKUS

polici serb
Bashkëshortja e policit të plagosur në Lloznicë, zbulon detaje të reja
plaku-600x360
“Mu afrua dhe më pyeti”, mediat serbe thonë se ky është personi i fundit që kontaktoi me Faton Hajrizin
riu
Në lulen e rinisë/ I riu 24 vjeç u vra pas debatit për muzikën e lartë
IMG_3764
“Në kamerën e dyqanit të tij…” – zbulohen detaje të tjera se si pretendohet se u kap Faton Hajrizi
lloznice
Dëshmitarët okular tregojnë se çfarë ka ndodhur mbrëmë në Lloznicë
pamjee
Publikohet fotografia e Faton Hajrizit të vrarë
faton-600x360
“Me kaq e përfundoj…” – A ishte një sinjal ‘zhdukja’ e Faton Hajrizit nga TikTok-u?
fatonn
Orët e fundit të Faton Hajrizit – sa kilometra i bëri nga vendi ku dyshohet se e vrau policin deri te fabrika ku u strehua