Serbët që sot herët në mëngjes u nisën nga Mitrovica e veriut , Graçanica, Leposaviqi, Zubin Potoku, Shtërpca dhe nga vende të tjera të Kosovës për në tubimin “Serbia e Shpresës” kanë mbërritur ngadalë në Beograd.
Nga Kosova janë larguar 200 autobusë, ndërsa me vetura kanë udhëtuar edhe shumë serbë, çka tregon se mbi 10 mijë serbë nga Kosova kanë shkuar në Beograd për të mbështetur presidentin serb Aleksandar Vuçiq.
Dje rreth orës 19:00 të parët u nisën masivisht nga Kosovës, ndërsa deri në mëngjes rreth 60 autobusë nga disa vende të ndryshme të Kosovës .
Serbët nga Shtërpcës u nisën rreth mesnatës me rreth njëzet autobusë dhe vetura, ndërsa pas mesnate nisen masive dhe kolona me dhjetëra autobusë nga Mitrovica e veriut e Graçanicës.
Autobusët nga Leposaviqi, Zveçani dhe Zubin Potok gjithashtu u nisën para mëngjesit
Autobusët janë ende duke mbërritur, dhe ata që tashmë kanë mbërritur po shkojnë drejt Ushçes. Meqenëse “takimi i shpresës” është vetëm sonte, mbështetësit kanë kohë të ecin nëpër të gjithë kryeqytetin serb.