Kryeministri i Kosovës, Albin Kurti gjatë kësaj të hëne teksa ishte duke folur në Samitin e Procesit të Berlinit, bëri të ditur se nga 1 janari i vitit të ardhshëm, Kosova do ta lejojë lëvizjen e lirë për të gjithë poseduesit e letërnjoftimeve të Bosnje e Herecegovinës, raporton Gazeta10.

Njohësi i çështjeve politike, Nexhmedin Spahiu në emisionin “Politiko” të Kanal10 bëri të ditur se ishte ai që e kishte dhënë si ide.

“Veprim që ia kam sugjeru kryeministrit Kurti moti me i heq njëanshëm vizat, ende pa qenë samiti. E kam sugjeru shkaku që me Bosnjen nuk mund të shtyhet në reciprocitet”, deklaroi Spahiu.