Stuhi të forta me bubullima, reshje intensive dhe breshër kanë goditur sot disa rajone të Austrisë, ndërsa sistemi i motit të keq është zhvendosur më pas drejt Sllovenisë.

Siç shkruan Index, Autoritetet austriake kanë lëshuar nivelin më të lartë të alarmit – paralajmërimin e kuq – për disa provinca, përfshirë Tirolin, Salzburgun, Austrinë e Poshtme, Shtajerskën dhe Karintinë.

Ndërkohë, Agjencia Sllovene e Mjedisit ka ngritur alarmin portokalli për verilindjen e vendit për shkak të rrezikut nga erërat e forta, reshjet intensive dhe breshëri.

Në Austri, zjarrfikësit kanë ndërhyrë në dhjetëra raste, ndërsa disa aktivitete publike, përfshirë një festival në Graz, janë ndërprerë për arsye sigurie.

Pas Austrisë, stuhia përfshiu rajonin e Karintisë sllovene dhe pjesë të Shtajerskës, duke vazhduar lëvizjen drejt jugut.