Kina nisi stërvitje të paprecedentë ushtarake duke gjuajtur me armë në gjashtë zona që rrethojnë Tajvanin të enjten, një ditë pas një vizite të kryetares së Dhomës së Përfaqësuesve të SHBA, Nancy Pelosi në ishullin e vetëqeverisur që Pekini e konsideron si territorin e tij sovran, shkruan Reuters, transmeton Gazeta10.

Menjëherë pas fillimit të planifikuar në 04:00 GMT, transmetuesi shtetëror i Kinës CCTV tha se stërvitjet kishin filluar dhe do të përfundonin në 04:00 GMT të dielën. Ato do të përfshijnë gjuajtje të drejtpërdrejtë në ujëra dhe në hapësirën ajrore përreth Tajvanit.

Zyrtarët e Tajvanit kanë thënë se stërvitjet shkelin rregullat e Kombeve të Bashkuara, pushtojnë hapësirën territoriale të Tajvanit dhe janë një sfidë e drejtpërdrejtë për lundrimin e lirë ajror dhe detar.

Kina po kryen stërvitje në rrugët ujore më të ngarkuara ndërkombëtare dhe rrugët e aviacionit dhe kjo është sjellje e papërgjegjshme dhe e paligjshme, kanë thënë nga Partia Progresive Demokratike në Tajvan e cila është në pushtet. / Gazeta10.