Qeveria e Kosovës do të mblidhet nesër, me fillim nga ora 11:00.

Në Rendin e ditës për këtë mbledhje, janë 20 pika.

Gjatë kësaj mbledhje do të shqyrtohen disa projektligje dhe projekt-rregullore.

Në fillim të kësaj mbledhje, Kurti do të deklarohet lidhur me takimin me Presidentin e Serbisë, Aleksandër Vuçiq, që u mbajt më 18 gushtit në Bruksel.

Këtë e ka konfirmuar për Reporteri.net, zëdhënësi i Qeverisë, Përparim Kryeziu.

“Në lidhje me takimin e datës 18 gusht në Bruksel, Kryeministri Kurti do të flasë këtë të mërkurë në adresimin e tij në fillim të mbledhjes së Qeverisë”, tha Kryeziu.

Ky adresim i Kurtit do te vije në ditën kur i dërguari amerikan për Ballkanin Perëndimor, Gabriel Escobar dhe i dërguari i posaçëm i Bashkimit Evropian për dialogun Kosovë-Serbi, Miroslav Lajçak, do të qëndrojnë në Prishtinë. /Gazeta10