Serbët lokal në veriun e Kosovës kanë filluar bllokimin e rrugëve me kamionë, raporton Gazeta10.

Në veriun e Kosovës tashmë është bllokuar rruga magjistrale në afërsi të pikës kufitare në Jarinje.

Po ashtu është bllokuar edhe rruga Prishtinë-Rashkë ku në fshatin Rudarë është vendosur një bllokadë.

Në Mitrovicën e Veriut është lëshuar sirena dhe ku disa qytetarë atje kanë filluar të tubohen.

E gjitha kjo po vie pasi Kosova ka vendosur për reciprocitet me Serbinë për targat dhe letërnjoftimat. Pak orë më parë, Kryeministri i Kosovës, Albin Kurti ka thënë se nuk ka kurrfarë mundësie për destabilizim meqë Kosova po merr veprime legale dhe legjitime. / Gazeta10.