Për të tretën ditë me radhë po vazhdojnë protestat në Tiranë, të shoqëruar me tensione dhe përplasje mes demonstruesve dhe Policisë së Shtetit.

Gjatë tubimit të së mërkurës, më 14 tetor, protestuesit hodhën mjete piroteknike dhe sende të forta drejt institucioneve, ndërsa në disa zona pati zjarrvënie dhe dëme materiale. Policia përdori gaz lotsjellës dhe autobotë me ujë për shpërndarjen e turmës.

Protestat lidhen me kërkesat për përmirësimin e kushteve në universitete, uljen e kostove të studimeve dhe rritjen e mbështetjes financiare për studentët, ndërsa pakënaqësitë janë shtrirë edhe te qeverisja dhe akuzat për korrupsion.

Ndërkohë, edhe sot, më 15 tetor, në Tiranë po vazhdojnë protestat me tensione dhe përplasje.