Përzgjedhësi i Kosovës, Primoz Gliha ka folur pas humbjes ndaj Bjellorusisë në ndeshjen e fundit kualifikuese për Euro 2024.

Dardanët i mbyllen eliminatoret e Euro 2024 me humbje 0-1 nga Bjellorusia duke bërë që ekipi përfaqësues të përfundoj në pozitën e pestë.

Pas kësaj humbje, Gliha ka thënë se ndihet krenar me ekipin e tij dhe mendon se  e merituan fitoren. Por, slloveni u ankua gjithashtu për mungesat e shumta.

 “Jam shumë krenar për lojtarët sepse luajtën shumë mirë sonte, patëm shumë mundësi, ambicie. U desh të kishim një penallti, 100%, por gjyqtari nuk e di se pse nuk e dha as nuk shkoi ta shikoj VAR-in”, ka thënë fillimisht Gliha pas ndeshjes.

“Periudha negative? Ne luajmë pa sulmues. Luajtëm pa Muriqin, pa Rashicën, pa Rrahmanin, kështu që nëse do ishin ata, ne do të shënonim dy gola. Ne patëm shumë mundësi drejt portës, por nuk ishin sulmuesit adekuat ata që i kishin sot. Dhe nëse nuk janë ata që duhen të jetë, është e vështirë”.

 “Vendi i pestë? Ju duhet ta dini, ne kemi luajtur dy herë me Zvicrën dhe kemi barazuar. Kemi fituar ndaj Izraeli dhe e mposhtem Andorrën”.

Në fund, Gliha foli edhe për të ardhmen duke mos sqaruar asgjë.

“E ardhmja? Njerëzit janë të mirë ndaj meje. Kam pasur momente të mira. Te shohim se çfarë do të ndodh”, përfundoi përzgjedhësi i Kosovës.