Që nga e hëna, turistët e huaj që hyjnë në ish-katedralen e krishterë ortodokse të Hagia Sophia në Stamboll do të duhet të paguajnë një tarifë. Lajmin e bëri të ditur Ministria e Kulturës dhe Turizmit e Turqisë.

Katedralja bizantine 1500-vjeçare, e cila u shndërrua nga një muze në xhami nga presidenti turk Rexhep Tajip Erdogan në vitin 2020, është një vend i Trashëgimisë Botërore të UNESCO-s dhe pret mbi 3.5 milionë vizitorë në vit.

Turistët që hyjnë në vendin historik do të paguajnë 25 euro, ndërsa shtetasit turq që e vizitojnë për adhurim fetar do të vazhdojnë të hyjnë falas nga një hyrje e veçantë.

Ministria deklaroi se kabinat e biletave janë instaluar si pjesë e përpjekjeve të restaurimit, duke siguruar gatishmërinë e vizitorëve deri të hënën. Kamerat e sigurisë, sistemet e zbulimit të zjarrit dhe komunikimit emergjent janë vendosur, me masa mbrojtëse përgjatë rrugës turistike në monument./Gazeta10/