Një vetaksident trafiku ka ndodhur sot në magjistralen Pejë-Gjurakoc, më saktësisht në fshatin Dubovë, ku një veturë ka rënë në lumë tek ura e Drinit të Bardhë. 

Lajmin për Gazeta10 e ka konfirmuar zëdhënësi i Policisë për rajonin e Pejës, Fadil Gashi.

Siç bën të ditur Gashi, në veturë kanë qenë tre persona, ndërsa të njëjtit nuk kanë pësuar lëndime serioze.

“Rreth orës 14:50, Policia ka marrë informatën për një vetaksident tek ura e Drinit të Bardhë, ku një veturë ka rënë në lumë, në fshatin Dubovë.  Në veturë kanë qenë tre persona, të cilët me ndihmën e qytetarëve janë larguar nga vetura dhe nuk kanë pësua lëndime serioze. Të njëjtit me autoambulancë janë dërguar në Spitalin e Pejës”, ka deklaruar Gashi./Gazeta10