Brenda Asamblesë Socialiste kanë nisur të qarkullojnë hamendësitë e para për kandidatët për deputetë. Surpriza më e madhe e kandidimit pritet të vijë nga vetë Edi Rama.

Siç ka mësuar Top Channel, vetë Rama mes një rrethi të ngushtë bashkëpunëtorësh ka shprehur dëshirën për të qenë i pari në listën e kandidatëve për deputetë në qytetin e Shkodrës.

Kjo për të shpalosur domethënien e fortë që ka për të transformimi i kryeqendrës së Veriut të Shqipërisë.

Nga ana tjetër një mesazh i fortë për opozitën me këtë kandidim të mundshëm nga Rama në atë që opozita e vlerëson si një bastion të sajin, por në zgjedhjet e fundit lokale ia besojë qeverisjen vendore kandidatit socialist Benet Beci.