Misioni paqeruajtës i NATO-së, KFOR, trupat e të cilëve gjenden në Kosovë janë shprehur se janë të gatshëm për ta mbajtur Kosovën e sigurt, raporton Gazeta10.

“KFOR-i mbetet fuqishëm i përkushtuar ndaj sigurisë”, thuhet ndër të tjera në një postim të shkruar nga KFOR në Twitter.

“Nën mandatin e tij të OKB-së, KFOR-i mbetet fuqishëm i përkushtuar ndaj sigurisë, i gatshëm të miratojë masat e nevojshme për ta mbajtur Kosovën të sigurt”, kanë shkruar nga KFOR në Twitter.

Përndryshe, në veriun e vendit Kosova dje ka pasur tensione pasi serbët atje kanë vendosur barrikada në rrugë si përgjigje ndaj paralajmërimit të institucioneve të Kosovës për vendosjen e reciprocitetit me Serbinë për targat dhe letërnjoftimat. / Gazeta10