Marco Sportiello është zyrtarisht portier i ri i Milanit.

Portieri italian është bashkuar me Rossonerët si lojtar i lirë pasi kontrata me Atalantën i ka skaduar dhe Milani ka fituar garën për të.

31-vjeçari është zyrtarizuar nga kuqezinjtë derisa ka nënshkruar një kontratë afatgjate deri në verën e vitit 2027.

Italiani do të jetë portieri i dytë i Rossonerëve pas francezit Mike Maignan.

Te Milani, portieri italian do ta bartë fanellën me numrin 57.