Manchester City ka njoftuar marrëveshjen me Anderlechtin për Sergio Gomez, i cili ka nënshkruar për katër vite, raporton Gazeta10.

21-vjeçari spanjoll bashkohet me ekipin anglez nga Anderlecht, me mbrojtësin e majtë që ka bërë 49 paraqitje për klubin belg gjatë sezonit 2021-2022.

Poashtu mbrojtësi i krahut të majtë ka shënuar shtatë gola dhe ka kontribuar me 15 asistime në të gjitha kompeticionet në stinorin e kaluar.

Sergio e filloi karrierën e tij tek të rinjtë e Barcelonës përpara se të largohej nga klubi katalanas për t’u bashkuar me skuadrën e Bundesligës, Borussia Dortmund në fillim të vitit 2018.

Ai më pas kaloi dy sezone përsëri në Spanjë në huazim te Huesca duke ndihmuar klubin të fitonte promovimin në La Liga në fund të sezonit 2019/20 përpara se të bashkohej me Anderlecht në verën e 2021.

Gomez kishte një sezon të shkëlqyer individual nën drejtimin e ish-trajnerit të Anderlecht, Vincent Kompany.

Përveç Gomezit, City në këtë afat kalimtar ka transferuar futbollistë si Erling Haaland, Kalvin Phillips dhe Julian Alvarez. /Gazeta10/