Parlamenti Evropian edhe zyrtarisht ka aprovuar kërkesën për hetimin e brendshëm ndaj Komisionerit për Zgjerim të BE-së, Olivér Várhelyi për gjoja favorizimin e Serbisë gjatë negociatave të zgjerimit të bllokut, raporton Gazeta 10.

Deputeti holandez që inicoi kërkesën, është shprehur i lumtur.

“U kry. Me 357 vota pro, 180 kundër dhe 95 abstenime, Parlamenti Evropian ka miratuar kërkesën e deputetit holandez, Thijs Reuten ndaj Komisionit për ta hetuar Komisionerin Várhelyi rreth rolit të tij në Ballkanin Perëndimor. Mirëpresë përfundimin e këtij hetimi” ka shkruar deputeti Reuten në Twitter.

That’s right. With 357 in favour, 180 against and 95 abstentions, the European Parliament adopted my call on the Commission to investigate Commissioner Várhelyi over his conduct in the Western Balkans.

I look forward to the results of the investigation. https://t.co/tBQ2ePsymg pic.twitter.com/RFaB0JvcOX

— Thijs Reuten 🇪🇺🌹 (@thijsreuten) January 19, 2023

Pavarësisht se ka aplikuar zyrtarisht për anëtarësim në BE, Serbia ka refuzuar në mënyrë të përsëritur të harmonizojë politikën e saj të jashtme me atë të bllokut evropian. Në dhjetor 2021, Komisioni i BE-së hyri në bisedime anëtarësimi me Beogradin, pavarësisht tensioneve të pazgjidhura të Serbisë me ish territorin e saj të Kosovës.

Varhelyi tha më pas se “Serbia po bën një hap tjetër shumë të rëndësishëm përpara në anëtarësimin në Bashkimin Evropian”

BE-ja, veçanërisht Franca dhe Gjermania, kanë qenë aktivisht, por pa sukses, duke i bërë presion presidentit nacionalist serb, Vuçiç për të detyruar vendin e tij për t’iu bashkuar sanksioneve të BE-së dhe NATO-s kundër Rusisë. Ai i cilësoi ato si një ndërhyrje “brutale” në punët e brendshme të Serbisë.

Várhelyi, një qytetar hungarez dhe aleat i kryeministrit nacionalist të vendit, Viktor Orban, dyshohet se është në anën e Serbisë si në mosmarrëveshjen e saj me Kosovën, ashtu edhe në hezitimin e saj për të sanksionuar Rusinë në mënyrë që të rreshtohet me interesat e Orbanit.

Lajmi u raportua në të gjitha mediat ndërkombëtare./Gazeta10