Hakim Ziyech gjatë kësaj merkatoje mund të largohet nga Chelsea, por jo edhe nga Premierliga, shkruan Gazeta10.

Për sulmuesin maroken së fundmi ka shprehur interesim skuadra e Manchester United.

Ziyech pëlqehet shumë nga trajneri i “Djajve të Kuq” Erik Ten Hag i cili e dëshiron atë me çdo kusht në skuadrën e tij.

Tekniku holandez e njeh mirë Ziyech, pasi ka punuar më të gjatë periudhës  së tij te Ajaxi.

United po kalojnë nëpër një formë aspak të mirë dhe janë duke tentuar që të sjellin lojtarë të rinj në ekip.

29-vjeçari ka kontratë me Chelsean deri në vitin 2025 dhe vlera e tij në treg është rreth 28 milionë euro.

Marokeni është pjesë e ekipit londinez që nga viti 2020, ku u transferua nga Ajaxi për shumën e 40 milionë eurove.

Në edicionin e kaluar, sulmuesi afrikan ka shënuar tetë gola dhe ka dhuruar gjashtë asistime 44 ndeshje të luajtura në të gjitha garat.

Gjatë periudhës së tij në Angli, Ziyech ka fituar Ligën e Kampionëve, Superkupën e Evropës dhe Kupën e Botës për klube.

Përveç Manchester United, interesim tash e një kohë për sulmuesin maroken ka shprehur edhe Milani. /Gazeta10/