Ministri shqiptar i Mbrojtjes, Niko Peleshi, me një postim në Facebook, ka njoftuar se 30 efektivë nga Forcat Tokësore dhe Batalioni Komando nga Regjimenti i Operacioneve Speciale do t’i bashkohet misionit të KFOR-it në Pejë, raporton Gazeta10.

“Një tjetër kontigjent, me 30 efektivë nga Forca Tokësore dhe Batalioni Komando nga Regjimenti i Operacioneve Speciale do t’i bashkohet misionit të KFOR në Pejë…”, thuhet ndër të tjera në njoftim.

Peleshi gjithashtu bëri të ditur se shtimi i trupave të armatosur të vendeve partnere në këtë mision është i doemosdoshëm për të arritur stabilitetin në Ballkanin Perëndimor.

Postimi i plotë:

“Një tjetër kontigjent, me 30 efektivë nga Forca Tokësore dhe Batalioni Komando nga Regjimenti i Operacioneve Speciale do t’i bashkohet misionit të KFOR në Pejë, në krah të aleatëve italianë e kroatë. Rritja e prezencës së forcave të armatosura të vendeve partnere në këtë mision, kontribut i madh i Aleancës për stabilitetin e Ballkanit Perëndimor. 🇦🇱🤝 🇽🇰”/Gazeta10.