Ansu Fati mund të largohet nga Barcelona gjatë verës.

Por Fati nuk do t’u bashkohet skuadrave nga elita e futbollit anglez, Manchester United dhe Tottenham.

Ai ka refuzuar ofertat e klubeve angleze, raporton “Mundo Deportivo” të enjten.

Fati 20-vjeçar ende nuk është i sigurt për të ardhmen. Sulmuesi 20-vjeçar me Barcelonën ka kontratë deri në qershor të vitit 2027.

Në 40 ndeshjet e edicionit aktual, Fati me fanellën e Barcelonës ka shënuar shtatë gola, ndërsa ka kontribuar edhe me tri asistime.

Në garë për Fatin është edhe gjiganti gjerman, Bayern Muenchen. Fati në shtatë paraqitje me fanellën e Spanjës ka shënuar dy gola.