Themeluesi i SpaceX mund të vlejë miliarda, por nëna e tij Maye Musk këmbënguli se ai nuk është i interesuar për pasuritë dhe bën një jetë shumë të thjeshtë, kështu që nuk ka strehim luksoz kur ajo e viziton në Boca Chica në Teksas.

“Më duhet të fle në garazh. Nuk mund të kesh një shtëpi të bukur pranë një vendi rakete”, tha ajo.

E pyetur nëse Elon është i interesuar për zotërimet, ajo shtoi për revistën Times: “Jo, aspak në këtë kuptim”.

Modelja 74-vjeçare pranoi se është një gjë e mirë që djali i saj sipërmarrës nuk i ka dëgjuar gjithmonë këshillat e saj.

“Ai duhet të bëjë çfarë të dojë. I thashë të mos bënte një makinë elektrike si raketë dhe ai nuk më dëgjoi”, tha ajo.

Maye, e cila gjithashtu ka djalin Kimbal dhe vajzën Tosca me ish-burrin Errol Musk, nuk ndan pasionin e Elon për udhëtimin në hapësirë, por është e hapur ndaj idesë nëse fëmijët e saj e inkurajojnë atë.

“Duhet të keni gjashtë muaj përgatitje dhe izolim dhe kjo thjesht nuk më tërheq mua. Por nëse fëmijët e mi duan që ta bëj, unë do ta bëj”, tha Maye.

Maye këmbënguli se pasuria e familjes së saj nuk ka ndryshuar “asgjë” për ta.

“Nuk ndryshon asgjë. Fëmijët e mi janë ende të sjellshëm dhe të kujdesshëm. Kur erdha për herë të parë në Paris në moshën 21-vjeçare, kisha 5 dollarë në ditë. Qëndrova në një dhomë me një llambë të varur poshtë,” tha ajo. /kp/Gazeta10