Portieri i Polonisë, Wojciech Szczesny, e ka vazhduar kontratën me skuadrën e Juventusit. Mediumet italiane kanë raportuar të enjten se palët kanë arritur marrëveshjen, ndërsa zyrtarizimi do të bëhet javën e ardhshme.

Me rinovimin e kontratës, portieri 33-vjeçar do të jetë pjesë e Juventusit deri në vitin 2025, pasi kishte kontratë valide deri vitin e ardhshëm.

Te Juventusi janë të kënaqur me paraqitjet e polakut dhe për këtë arsye kanë preferuar t’ia ofrojnë vazhdimin e kontratës.

Szczesny këtë edicion ka 39 paraqitje në të gjitha garat me fanelën e “Zonjës së Vjetër”.  

Ai ka bërë karrierë edhe tek skuadra e Arsenalit, ku ishte pjesë  e këtij klubi për 7 vite.

Gjersa, në karrierën e tij është paraqitur edhe për Romën e Brentfordin.

Te Juventusi, portieri polak u transferua në vitin 2017 për shumën e 18 milionë eurove.