Kryeministri i Shqipërisë, Edi Rama ka goditur shtetet perëndimore për mos liberalizimin e vizave për qytetarët e Kosovës.

Këto deklarata i ka bërë në nisje të Forumit të Bledit në Slloveni.

“Është një turp i madh që qytetarët e Kosovës ende nuk mund të lëvizin lirshëm pa viza në Evropë. Ndërkohë që e bënin një gjë të tillë kur ishin nën regjim. Çlirimtarët e tyre po i  mbajnë peng dhe ky është një paradoks mjaft i rëndë dhe i turpshëm i kohëve tona” ka thënë ai.

Sa i përket dialogut, ai është shprehur se qysh nga fillimi ka qenë ithtar të mos humbet kohë shumë në këto tema mes dy vendeve.