Gjatë diskutimit për ndeshjen e barazhit mes Lirisë e Ferizajt, të cilën e fituan prizrenasit, foli edhe trajneri i klubit të Lirisë, Djengis Redjepi.

Trajneri tha se Superligës së Kosovës i ka munguar një klub si Liria.

“Një klub me traditë si Liria, me një tifozëri si Arpagjikët, mendoj se i ka munguar shumë Superligës së Kosovës.”, tha ai.

Redjepi gjithashtu falenderoi futbollistët e kryesinë për përkrahjën e vazhdueshme.

“Falenderoj dhe përgëzoj futbollistët për maksimumin e dhënë, gjithashtu shfytëzoj rastin të falenderoj udhëheqësinë e klubit e ua uroj qytetarëve të Pirzrenit për këtë sukses.”, vazhdoi trajneri.

Tutje, ai foli edhe për të ardhmen e tij, duke thënë se po shijon momentin.

“Kemi pas marrëveshje një vjeçare me klubin, tash nuk është momenti të flasim për këtë gjë, dua ta shijoj festën me lojtarët e klubin, e do të shohim si do të rrjedhin gjërat në vazhdim”, përfundoi ai.