Hekuran Murati – Ministri i Financave, Punës dhe Transfereve, ka treguar se sot është bërë ekzekutimi i pjesshëm i pagave në sektorin publik, sa i përket grevave të lajmëruara nga SBAShK-u.

Murati ka thënë se kjo është bërë për shkak se sindikatat nuk i kanë përditësuar listat e kërkuara nga kjo ministri, raporton Gazeta10. 

“Sot është bërë vetëm ekzekutimi i një pjese të pagave, për shkak se procesimi dhe përgatitja e llogaritjes merr kohë, dhe zakonisht ky proces bëhet në mes të muajit…Meqenëse përditësimi i këtyre listave nuk është bërë në kohë nga organizatat buxhetore, ka qenë e pamundur që të procesohet me pagat e tyre në ditën e sotme”, ka thënë ai./Gazeta10