Punëtorët e sigurimit fizik të Korporatës Energjetike të Kosovës (KEK) kanë protestuar sot  për shkak të mospërmbushjes së premtimit nga pushteti për kthimin e tyre në kuadër të KEK-ut.

Ata e kanë nisur protestën nga Sheshi “Zahir Pajaziti” në drejtim të Qeverisë.

Në pankarta që kanë mbajtur në duar shkruante: “Qeveri më parë kur ishit në opozitë na thatë se kemi të drejtë, po sot!”, “Ne nuk jemi të privatizuar, jemi të huazuar për 2+1 vite!” etj.

Ata në këtë protestë kërkuan rikthimin e tyre në kuadër të KEK-ut.

Protestën e nisën nga sheshi ‘Zahir Pajaziti’ dhe vazhduan deri para Qeverisë së Kosovës, aty ku u ulën dhe po i bëjnë thirrje Kurtit t’i pres në takim urgjent.