Kreu i PSD-së, Dardan Molliqaj ka folur për vendimin e MASHTI-t për tekstet shkollore dhe subvencionimin e tyre. Sipas tij kjo po bëhet qëllimisht dhe se është një taktikë që e përdorin liderët autoritarë.

“Është diçka që e kanë bë të gjithë liderët autoritarë. Vuçiqi për shembull, e ka përdorë të njëjtën taktikë, para zgjedhjeve u ka dhuruar 18-vjeçarëve nga 300 euro, ose edhe 200, mund të gaboj. Pra, ai këtë e bëri për vota, po thoshte që po e bën si ndihmesë për të rinjtë”, ka thënë Molliqaj.

Sipas Molliqajt njëjtë po bën edhe Kurti. “Pra, ai dëshiron që të ketë sa më shumë transaksione me njerëzit”, tha ai.