Një aksident i rëndë trafiku ka ndodhur mëngjesin e sotëm në magjistralen Gjilan-Prishtinë, saktësisht në fshatin Llabjan.

Në pamjet e siguruara nga Indeksonline shihet se dy vetura janë përplasur me njëra-tjetrën, ku një person nga mbetur i shtrirë në tokë.

Rastin e konfirmuar për “Gazeta 10”, zëdhënësja e Policisë së Prishtinës, Flora Ahmeti.

Sipas saj në aksident janë përfshirë dy automjete, ku tre persona kanë pësuar lëndime trupore.

“Sot rreth orës 07:00, kemi pranuar informatën për një aksident trafiku rrugor të ndodhur në rrugën Prishtinë -Gjilan. Në aksident janë përfshirë dy automjete, ku tre persona kanë pësuar lëndime trupore. Njësia rajonale e trafikut po merret me rastin” tha Ahmeti për Gazeta10.