Ambasadori i Mbretërisë së Bashkuar në Kosovë, Nicholas Abbott, ka shprehur keqardhjen e tij për vdekjen e Mbretëreshës Elizabeth ll, raporton Gazeta10.

Abbott ka falënderuar krerët e shtetit të Kosovës për ngushëllimet e tyre.

Këtu keni statusin e plotë:

“Për shtatëdhjetë vitet e fundit, Madhëria e saj Mbretëresha Elizabeth udhëhoqi dhe i shërbeu Mbretërisë së Bashkuar me mençuri, guxim dhe angazhim. Unë, si shumë prej nesh, e ndjej personalisht humbjen e saj.

I jam shumë mirënjohës Vjosa Osmani dhe Albin Kurti për mesazhet e tyre të mira ngushëllimi, si dhe për qindra mesazhe të tjera të mira dhe të menduara që kemi marrë. Ky është testament për respektin e thellë që ndjejnë shumë njerëz këtu në Kosovë për përkushtimin e saj ndaj shërbimit publik dhe Mbretërisë së Bashkuar”, ka shkruar Abbott në llogarinë e tij në Facebook. / Gazeta10