Dukagjini ka shënuar fitore me rezultat minimal 1-0 ndaj Dinamos së Ferizajit për të siguruar kështu çerekfinalen e Kupës së Kosovës.

Pjesa e parë ishte e barabartë me të dy ekipet që po prisnin ndonjë gabim eventual të njëra-tjetrës për të rrezikuar.

Të dy ekipet kishin rastet e tyre për gol, mirëpo nuk u treguan të saktë përballë portës dhe rezultati mbeti i paprekur.

Në pjesën e dytë Dukagjini rriti intensitetin e lojës dhe kësisoji arriti që ta gjejë golin e fitores dhe atë të kualifikimit.

Për t’i dhënë avantazhin klinasve u përkujdes Altin Mërlaku i cili në minutën e 67-të arriti që të shënojë për 1-0.

Deri në përfundim të takimit nuk pati më ndryshim rezultati dhe kështu Dukagjini me meritë u kualifikua në çerekfinale të Kupës së Kosovës.