Emisioni “Kampionët” vazhdon edhe këtë të diel me një super panel.

Studios së emisionit “Kampionët” i rikthehet analisti i përhershëm, Bekim Isufi, të cili i bashkohen edhe Valon Osmani, Arbër Prekazi, Mevlan Zeka, Taulant Dajaku dhe Samir Sahiti.

Samir Sahiti, lojtar i Trepçës ’89 ka thënë se lojtarët e Trepçës ’89 kanë nisur ndeshjen vetëm për fitore.

“Jemi përgatitur tërë javën për këtë ndeshje, kemi qenë të bindur për fitore, duke ditur se gjithmonë kemi pasur rezultate të mira ndaj Llapit” – tha ai.

Tutje, ai tha në fillim nuk ishin serioz në ndeshje, andaj rrezikuan dhe pësuan dy gola.

“Tek pas golit të dytë të pësuar nisim ta marim ndeshjen seriozisht, andaj rikthyem ndeshjen në fund dhe arritëm fitoren” – përfundoi ai.