Presidenti Bajram Begaj, me rastin e shënimit të dyvjetorit të luftës së Rusisë ndaj Ukrainës, tha se Shqipëria mbetet aleat i palëkundur i Ukrainës.

“Dy vjet pas agresionit ushtarak të paprovokuar dhe të padrejtë të Rusisë kundër Ukrainës, ne qëndrojmë me frikë nga lufta e guximshme e popullit ukrainas për liri, dinjitet dhe sovranitet. Ne mbetemi aleatë të palëkundur të Ukrainës, duke mbrojtur së bashku këto parime universale”, shkroi Begaj.

Për solidaritetin ndaj Ukrainës, presidenti Volodymyr Zelensky, në një koment në rrjetin social “X”, ka falënderuar presidentin shqiptar.

“Faleminderit për fjalët tuaja të mira dhe solidaritetin e palëkundur me Ukrainën, Bajram Begaj”, shkroi ai.

“Ne vlerësojmë mbështetjen e Shqipërisë dhe presim me padurim sigurimin e një të ardhmeje paqësore evropiane si për vendet tona ashtu edhe për Evropën në tërësi”, shkroi Zelensky.