Në mbledhjen që po mbahet nga Qeveria e Kosovës, është njoftuar se është miratuar Projektligjin për Siguri Kibernetike dhe është themeluar edhe Gjykata Komerciale, raporton Gazeta10.

Kryeministri, Albin Kurti, deklaroi se projektligji për Siguri Kibernetike, do të hapë rrugë themelimit të Agjencisë për Siguri Kibernetike.

“Përmes këtij projektligji themelohet agjencia për siguri kibernetike. Kjo agjenci do te kontribuoj në rritjen e kapaciteteve më fushën e sigurisë kibernetike”, tha Kurti në mbledhje.

Ndërsa, sipas Kurtit themelimin i Gjykatës Komerciale në Kosovë, është bërë për të siguruar efikasitet në trajtimin e kontesteve komerciale.

“Për të siguruar efikasitet në trajtimin e kontesteve komerciale kemi themeluar Gjykatën Komerciale”, tha ndër të tjera kryeministri./Gazeta10.