Punimet në seancën përmbyllse në rastin Mustafa janë mbyllur meqë është vendosur për 30 minuta pauzë, raporton Gazeta10.

Në seancën e sotme po vazhdon fjala përfundimtare e avokatit mbrojtës të Salih Mustafës, Julius von Bone.

Ai gjatë fjalës së tij në këtë pjesë kryesisht ka folur lidhur me dëshmitë dhe dëshmitarët e përfshirë në këtë proces si dhe për një kompleks që përmendet në aktakuzë.

Avokati Bone, ndër të tjera, ka thënë se ZPS-ja ka ndryshuar qëndrimet lidhur me kompleksin në fjalë.

Dje mbrojtja e viktimave ka dhënë fjalën përfundimtare dhe më pas e ka marrë fjalën mbrojtja e Salih Mustafës.

Prokuroria ka kërkuar dënim me 35 vjet burg për Salih Mustafës. Ai aktualisht gjendet në qendrën e paraburgimit në Hagë. / Gazeta10.