Mbrojtësi spanjoll, Sergio Ramos në verë pritet t’i japë fund aventurës së tij në futbollin evropian.

Ramos është në muajt e fundit të kontratës së tij se Sevillën dhe në verë do të jetë lojtar i lirë.

38-vjeçari vitet e fundit të karrierës do t’i vazhdojë në MLS, me Inter Miamin që po insiston në transferimin e tij.

Nëse ndodh ky transferim, Ramos do të bashkohej me disa nga ish-bashkëlojtarët e tij si Lionel Messi, Jordi Alba dhe Sergio Busquets.

Ramos u rikthye te Sevilla në verën e vitit të kaluar si lojtar i lirë, pas një aventurë dyvjeçare të kaluar te Paris Saint-Germaini.

Këtë edicion me klubin andaluzian, qendërmbrojtësi ka luajtuar 29 ndeshje, prej të cilave ka shënuar shtatë gola dhe ka dhuruar një asist.

Periudhën më të lavdishme të karrierës, Ramos e kaloi te Real Madridi, ku fitoi plot 22 trofe.

38-vjeçari cilësohet si një nga mbrojtësit më të mirë në dekadën e fundit.

Përveç Inter Miamit, për shërbimet e mbrojtësit spanjoll kanë shprehur interesim edhe disa skuadra nga Arabia Saudite.