Benjamin Sesko është i preferuari i Milanit për t’i besuar udhëheqjen e repartit të sulmit, megjithatë koha nuk pret dhe kuqezinjtë duhet të nxitojnë për të transferuar në Milano sulmuesin 21-vjeçar.

Ultimatumi vjen nga vetë agjenti i sulmuesit slloven, i cili ka deklaruar se e ardhmja e Seskos do të vendoset para Europianit, në mënyrë që 21-vjeçari të mund të përqendrohet më pas në Gjermani.

“Ka disa oferta për Seskon dhe mendoj se e ardhmja e tij do të vendoset shumë shpejt. Ai dëshiron ta qartësojë të ardhmen, në mënyrë që më pas të përqendrohet të Europiani dhe unë si agjent i tij kam detyrën t’ia mundësoj këtë gjë”, u shpreh agjenti i Seskos.

Sulmuesi 21-vjeçar i Leipzig ka një klauzolë prishjeje të kontratës prej 65 milionë eurosh, megjithatë marrëveshja mund të arrihet për një shifër prej jo më shumë se 50 milionësh.